Анкара қаласындағы "машина жасаушылардың салалық кәсіптік одағы" ҚБ филиалдарының төрағалары үшін оқыту өтті

2024 жылғы 29 шілдеден 2 тамызға дейін Анкарада «Машина жасаушылар салалық кәсіптік одағы» ҚБ (бұдан әрі — кәсіподақ) филиалдарының төрағалары үшін оқыту өтті. Іс-шара кәсіподақ мүшесі болып табылатын халықаралық Еуразиялық Металлургтер Федерациясының (МЕФМ) шақыруымен ұйымдастырылды. Бағдарлама аясында Қазақстанның түрлі өңірлерінен келген кәсіподақ ұйымдарының өкілдері өз біліктіліктерін арттыруға және шетелдік әріптестерімен тәжірибе алмасуға бірегей мүмкіндік алды.
Оқытуға қатысушылар:
•    Г. Т. Құттыбаева, «ҚИ 811 автожөндеу зауыты» АҚ кәсіподақ ұйымының төрағасы;
•    С. Б. Такеева, «С.М.Киров атындағы зауыты» АҚ кәсіподақ ұйымының төрағасы;
•    Т. И. Игнашкова, «Мұнаймаш» АҚ кәсіподақ ұйымының төрағасы;
•    А. С. Ахтанова, «Электровоз құрастыру зауыты» ЖШС, КАМАЗ-Инжиниринг» АҚ, №18,19  Кәсіподақ филиалдарының төрағасы;
•    Е. К. Тулемисов, «Алматы ауыр машина жасау зауыты» АҚ қызметкерлерінің жергілікті кәсіподағының төрағасы.
Оқыту бағдарламасы Түркиядағы еңбек заңнамасы және кәсіподақ қызметі саласындағы жетекші сарапшылардың дәрістері мен шеберлік сабақтарын қамтыды. Атап айтқанда, адвокат Бурджу Гатин мен МЕФМ Бас хатшысы Мұрат Салар өз тәжірибелерімен және практикалық кеңестерімен бөлісті. Сонымен қатар, семинарға қатысушылар TurkTraktor зауытына барып, кәсіподақ мүшелеріне берілетін еңбек жағдайлары мен әлеуметтік кепілдіктермен танысты.
Іс-шара қорытындысы бойынша барлық қатысушылар халықаралық үлгідегі сертификаттармен марапатталды.