Әлеуметтік әріптестік саласындағы жұмыс

Қазақстан Республикасы Премьер-Министрінің орынбасары Е.Л. Тоғжановтың 2021 жылғы 16 шілдедегі салалық және өңірлік үшжақты келісімдер шарттарының орындалуын бақылауды күшейту жөніндегі тапсырмасына сәйкес Машина жасаушылар салалық кәсіптік одағы Салалық келісімнің орындалу мәніне мониторинг жүргізді.
Осы мониторинг барысында кейбір жұмыс берушілер өз міндеттемелерін толық көлемде орындамайтыны, Салалық келісімнің жекелеген шарттары мен ережелерінің нашарлау, сондай-ақ ұжымдық шартта кейбір әлеуметтік кепілдіктер мен жеңілдіктердің толық болмауы, сондай-ақ Салалық келісімнің бірқатар шарттарының орындалмауы фактілері анықталды.
Кәсіподақтың бастамасымен ағымдағы жылдың 28 шілдесінде Қазақстан Республикасы Индустрия және инфрақұрылымдық даму министрлігі Индустриялық даму комитеті төрағасының м.а. С. Ж. Оспановтың төрағалығымен Республикалық үшжақты комиссияның тапсырмаларын орындамау мәселесі бойынша кеңес өткізілді, онда аталған кәсіпорынмен мәселені бейбіт жолмен реттеу және өзінің ұжымдық шарттарын сәйкес келтіру арқылы даулы мәселелерді шешу ұсынылды.
Қазіргі уақытта кәсіподақтың өтініші бойынша Нұр-сұлтан қаласы, Ақмола облысы және Шығыс Қазақстан облысының еңбек инспекциясы тарапынан кәсіпорындарға Салалық келісімді орындамаумен және  келісу комиссиясымен байланысты бұзушылықтарды жою туралы және ұйғарым шығарылды. Сондай-ақ, Қостанай облысы бойынша еңбек инспекциясын тексеру жоспарлануда.
Сонымен қатар, Петропавл қаласының мамандандырылған ауданаралық  сотының шешімімен кәсіподақтың пайдасына талап арыз қанағаттандырылды, онда 2017 жылғы Салалық келісімнің орындалмауы нәтижесінде пайда болған берешекті есептен шығару жөніндегі бірлескен шешім таласты.
Сонымен қатар, кәсіподақ тарапынан Индустрия және инфрақұрылымдық даму министрлігіне салалық келісімнің шарттарын орындамау және тарифтік келісім түрінде еңбекақы төлеу стандартын бекіту мәселесін қарау үшін машина жасау және қорғаныс өнеркәсібі саласындағы әлеуметтік әріптестік пен еңбек қатынастарын реттеу жөніндегі кезекті салалық үшжақты комиссияны шақыру туралы хат жолданды.

Осылайша, машина жасау саласы қызметкерлерінің құқықтары мен мүдделерін қорғау жөніндегі жұмыс жалғасатын болады.