Машина жасау, оның ішінде қорғаныс өнеркәсібі саласындағы еңбек қауіпсіздігі және еңбекті қорғау жөніндегі кезекті республикалық байқау

2024 жылғы 29-30 қараша аралығында Астана қаласында қорғаныс өнеркәсібін қоса алғанда, машина жасау саласындағы еңбек қауіпсіздігі және еңбекті қорғау бойынша кезекті байқау өтті.

Іс-шараға келесі кәсіпорындардың өкілдері қатысты: «Қазақстан инжиниринг» ҰК» АҚ, «Алматы ауыр машина жасау зауыты» АҚ, «Семей инжиниринг» АҚ, «Петропавл ауыр машина жасау зауыты» АҚ, «КИ 811 автожөндеу зауыты» АҚ, «Зенит» Орал зауыты» АҚ, «С.Киров атындағы зауыт» АҚ, «Электровоз құрастыру зауыты» ЖШС,  «Мұнаймаш» АҚ, «Гидроприбор» ҒЗИ» АҚ,  «ЭКЗ СЕРВИС» ЖШС және «Alstom Kazakhstan» ЖШС.

Іс-шара аясында еңбек қауіпсіздігі және еңбекті қорғау мәселелеріне арналған семинар өткізілді, онда кәсіпорындарда қауіпсіз еңбек жағдайларын қамтамасыз ету саласындағы заманауи тәсілдер мен үздік тәжірибелер талқыланды.

Байқау мен семинарға қатысушылардың барлық шығындарын (оқуға, тұруға, тамақтануға, қала бойынша трансферге, сондай-ақ Астана қаласына ұшуға және кері ұшуға) машина жасаушылар  салалық кәсіподағы өтеді.

Еңбек қауіпсіздігі және еңбекті қорғау бойынша байқауда жүлделі орындарды келесі қатысушылар иеленді:

1 орын - Виктория Анатольевна Буракова, «С.Киров атындағы зауыт» АҚ еңбекті қорғау және қауіпсіздік техникасы жөніндегі бас техникалық басшысы.

2 орын-Асқар Құнапияұлы Әмірханов, «Алматы ауыр машина жасау зауыты» АҚ еңбекті қорғау және өрт қауіпсіздігі бөлімінің бастығы.

3 орын - Гүлнар Айтқазықызы Атаканова, «Семей инжиниринг» АҚ еңбекті қорғау және қауіпсіздік техникасы жөніндегі инспекторы.

Барлық жүлдегерлер еңбек қауіпсіздігі мен еңбекті қорғау деңгейін арттыруға қосқан үлестері үшін кубоктар, ақшалай сертификаттар, дипломдармен марапатталды.

Іс – шара 2024 жылғы 30 қарашада барыс аренаға мәдени-бұқаралық іс-шараға қатысушылардың баруымен аяқталды. 

Бұл байқау кәсіпорындарда еңбек қауіпсіздігі және еңбекті қорғау мәдениетін нығайтудағы маңызды кезең болды, сондай-ақ машина жасау, оның ішінде қорғаныс өнеркәсібі саласындағы тиімді ынтымақтастықтың үлгісі болды.