Еңбек және халықты әлеуметтік қорғау министрі Светлана Жақыповамен кездесуі өтті.

А.ж. 22 қарашасында Қазақстан Республикасы Кәсіподақтар Федерациясының Орталық кеңсесінде (ҚРКФ) Еңбек және халықты әлеуметтік қорғау министрі Светлана Жақыповамен кездесуі өтті.

Талқылаудың басты тақырыбы "Қазақстан Республикасының кейбір заңнамалық актілеріне қоғамдық бірлестіктер және зиянды жағдайлары бар жұмыстармен айналысатын адамдарды әлеуметтік қорғау мәселелері бойынша өзгерістер мен толықтырулар енгізу туралы"заң жобасы болды.

Осы кездесу аясында машина жасаушылар салалық кәсіподағының төрағасы Т. Қазангапов әлеуметтік әріптестік бөлігінде машина жасау және қорғаныс өнеркәсібі саласындағы салалық комиссия туралы айтып, салалық келісімге қол қоюмен байланысты қиындықтарды атап өтті.

Нәтижесінде Қазақстан Республикасының Еңбек және халықты әлеуметтік қорғау министрі С.К. Жақыпова бірінші вице-министр А. А. Сарбасовқа Қазақстан Республикасы Өнеркәсіп және құрылыс министрлігі мен "Машина жасаушылар салалық кәсіптік одағы"ҚБ өкілдерінің қатысуымен өз деңгейінде жеке кездесу өткізуді тапсырды.

Кездесуді қорытындылай келе, ҚР Кәсіподақтар федерациясының төрағасы С. Т. Дәулеталин әлеуметтік серіктестердің мұндай кездесулері дәстүрге айналатынын атап өтті.