Жаналықтар

Республикалық салалық байқау-конкурсқа қатысу мақсатында «С.М. Киров атындағы зауыт» АҚ «Үздік дәнекерлеуші» кәсіби шеберлік байқауы өткізілді.
Дәнекерлеушілер байқауға белсенді қатысты-мамандар өз дағдыларын көрсетті, ал зауыт жұмысшылары әріптестерін қолдауға келді.

2022 жылғы 26 мамырда Металл өңдеушілерінің Халықаралық Еуразиялық федерациясының (MӨХУФ), Анкара) Бас хатшысы Юсуф Зия Одабаш пен оның орынбасары Туражон Маннонович Раупов бастаған делегациясының жұмыс сапары аясында кездесу өтті. "Машина жасаушылар салалық кәсіптік одағы" ҚБ 1994 жылдан бастап  Еуразия өңірінің 19 елінен тұрмыстық, ауыл шаруашылығы және әскери техника, көлік, станоктар, құрал-саймандар, аспаптар, электр және электрондық бұйымдар өндіретін тау-кен және металлургия, автомобиль, әуе және кеме жасау кәсіпорындарының 20 млн.астам жұмыскерін біріктіретін МӨХУФ мүше ұйымы болып табылады.

2022 жылдың 18 мамырында Қазақстанда және одан тыс жерлерде кеңінен танымал рентген-медициналық және өнеркәсіптік құрал-жабдықтарды өндіруде үлкен тәжірибесі бар «Актюбрентген » АҚ 80 жылдығын атап өтеді. Еңбек ұжымына жоғары кәсіби шеберлігі, ынта-жігері және өз ісіне деген адалдығы үшін ерекше алғысымды білдіргім келеді. 
Мерейтой қарсаңында салалық кәсіподақ төрағасының бұйрығымен «Актюбрентген» зауытының кәсіподақ ұйымы» ҚБ төрағасы Бондаренко С.Н., сондай-ақ «Актюбрентген» АҚ өндіріс басшысы Шкурат Н.П. «Кәсіподақ жұмысына қосқан үлесі үшін» төсбелгісімен марапатталды.
Сондай-ақ, Индустрия және инфрақұрылымдық даму министрінің бұйрығымен келесі кәсіподақ мүшелері марапатталды: «Құрметті машина  жасаушы» төсбелгісімен Андреев В.А., «Еңбек ардагері» медалімен Бородинский Ю.А.,құрмет мадақтамасымен Сабиржанов М.М., Кобылова Б.И.,  Хабибулин Ф.И., алғыс хатпен Лысенко С.А., Исалин Р.А., Мишутин А.В.
Кәсіпорынға бақ – береке, ал барлық қызметкерлерге мықты денсаулық, табыс, отбасыларына молшылық пен амандық тілеймін!

2022 жылғы 4 мамырда «Машина жасаушылар салалық кәсіптік одағы» ҚБ төрағасы Т.Д. Қазанғапов «КАМАЗ-ИНЖИНИРИНГ» АҚ және «Тыныс» АҚ жұмыс сапарымен болды.

Дүниежүзілік еңбекті қорғау күні қарсаңында 2022 жылғы 26 сәуірде "Машина жасаушылар салалық кәсіптік одағы" қоғамдық бірлестігінің филиалы - "ЭЛЕКТРОВОЗ ҚҰРАСТЫРУ ЗАУЫТЫ" ЖШС кәсіподақ ұйымы қауіпті, зиянды және қолайсыз еңбек жағдайлары салдарынан қаза тапқан, жарақат алған немесе кәсіптік ауруға шалдыққан жұмысшыларды еске алуға арналған кәсіподақ мүшелерінің балаларымен іс – шара өтті.

2022 жылдың 20 сәуірі «Машина жасаушылар салалық кәсіптік одағы» ҚБ төрағасы Қазанғапов Т.Д. «ЭЛЕКТРОВОЗ ҚҰРАСТЫРУ ЗАУЫТЫ» ЖШС-де болып, филиалдың кәсіподақ белсенділерімен кездесті. Отырыс барысында кәсіподақ ұйымының қаржылық қызметіне қатысты мәселелер талқыланып, «ЭЛЕКТРОВОЗ ҚҰРАСТЫРУ ЗАУЫТЫ» ЖШС-нің 2025 жылға дейінгі ұжымдық шарт жобасына келіспеушілік хаттамасы қаралды. Отырыс нәтижесінде кәсіподақ бюджетінің сметасын редакциялау және ұжымдық шарт жасау бойынша келіссөздерді жалғастыру туралы шешім қабылданды.

2022 жылғы 28 ақпанда сағат 15:00 - де "Ұжымдық еңбек даулары: пайда болу себептері, алдын алу шаралары және оларды реттеу тәртібі" тақырыбында онлайн вебинар өтті, оған "Машина жасаушылар салалық кәсіптік одағы" ҚБ мүшелері - "Мұнаймаш" АҚ, "Гидроприбор "ҒЗИ" АҚ, "С.Киров атындағы зауыт" АҚ, "ПАМЗ"АҚ кәсіподақ ұйымдары қатысты.

2021 жылғы 28 желтоқсанда «Машина жасаушылар салалық кәсіптік одағы» (бұдан әрі-кәсіподақ) «Кәсіподақтардың құқық қорғау қызметі» тақырыбында халықаралық дөңгелек үстелге қатысты. Аталған дөңгелек үстелге Армения, Грузия, Израиль, Латвия, Өзбекстан кәсіподақтар конфедерациялары қатысты, олар кәсіподақ қызметіндегі өз тәжірибелерімен бөлісті, кәсіподақ ұйымдарының жұмыс уақытын есепке алу, еңбекақы төлеу бөлігінде кездесетін қиындықтар туралы айтты.  ҚР Кәсіподақтар федерациясы төрағасының орынбасары Жумагалиева Г. А. Федерация базасында ҚР барлық өңірлері бойынша филиалдары бар заң клиникасы құрылғанын хабарлады. Заң клиникасы 1500-ден астам кеңес берді, кемінде 1000 медиативтік келісім жасады. Латвияның еркін кәсіподақтар конфедерациясы, лайықты еңбек мәселелері бойынша техникалық қолдау тобы және Шығыс Еуропа мен Орталық Азия елдеріне арналған ХЕҰ Бюросы заң клиникасының жұмысы бойынша өз ұсыныстарымен бөлісті.

 

Бүгін Қазақстан Республикасының Индустрия және инфрақұрылымдық даму мәселелері жөніндегі Қоғамдық кеңесінің кезекті отырысы өтті, онда Министрліктің құрылымдық бөлімшелерінің 2020-2021 жылдарға арналған сыбайлас жемқорлыққа және көлеңкелі экономикаға қарсы іс-қимыл жөніндегі іс-шаралар жоспарының орындалуы туралы есебі тыңдалды. Сондай-ақ, отырыс барысында Қазақстан Республикасы Индустрия және инфрақұрылымдық даму министрлігі аппаратының басшысы Е.Р. Мұқаев Қазақстан Республикасы Тәуелсіздігінің 30 жылдығына орай Қоғамдық кеңес мүшелеріне индустрияны дамытуға қосқан үлесі үшін Министрдің Алғыс хаттарын табыс етті.

2021 жылғы 23 желтоқсанда  "Машина жасаушылар салалық кәсіптік одағы" ҚБ (бұдан әрі-кәсіподақ) Орталық кеңесінің отырысы өтті. Күн тәртібіне сәйкес кәсіподақ филиалдары төрағаларының есебі тыңдалып, кәсіподақтың ішкі құжаттарын бекіту мәселелері қаралды.